Personat e prekur nga diabeti duhet të kryejnë rregullisht vizita dhe të konsultohen vazhdimisht me mjekun specialist. Kjo, luan një rol kryesor në kontrollin dhe moslejimin e avancimit të mëtejshëm të sëmundjes.

Të prekurit nga diabeti që trajtohen me injektimin e insulinës në përgjithësi duhet të vizitojnë mjekun e tyre të paktën çdo tre deri në katër muaj.

Personat me diabet që trajtohen me pilula ose që janë duke e menaxhuar diabetin përmes dietës duhet të vizitojnë mjekun të paktën çdo katër deri në pesë muaj.

Gjithashtu vizitat janë të nevojshme nëse ju vëreni komplikacione ose e gjeni të vështirë të kontrolloni nivelin e sheqerit në gjak.