Nefrologji në Tiranë

Kur duhet të konsultoheni me nefrolog në Tiranë?

• kreatinina ose urea dalin të larta në analiza
• proteina ose gjak në urinë
• ënjtje e këmbëve, e duarve ose e fytyrës
• tension i lartë që kontrollohet me vështirësi
• diabet, që kërkon ndjekje të rregullt të veshkave
• gurë në veshka ose infeksione urinare të përsëritura
• sëmundje kronike e veshkave, që kërkon monitorim të vazhdueshëm

Shërbimet tona diagnostike

• analiza urine: sediment dhe kulturë urinare
• analiza gjaku: kreatinina, urea dhe elektrolitet
• vlerësimi i funksionit renal (GFR)
• ekografi abdominale e veshkave dhe e traktit urinar
• matja e tensionit arterial

Analizat kryhen në laboratorin tonë, kështu që nefrologu i ka rezultatet shpejt.

Infeksionet urinare

Infeksionet e traktit urinar janë ndër problemet më të shpeshta. Shenjat kryesore janë djegia gjatë urinimit, urinimi i shpeshtë, dhimbja në fund të barkut dhe urina e turbullt ose me erë të rëndë.

Kur nuk trajtohen, infeksionet mund të përhapen në veshka. Trajtimi i hershëm parandalon komplikacionet. Nëse keni temperaturë, të dridhura ose dhimbje në mesin e shpinës, kontaktoni mjekun pa pritur.

Monitorim për pacientët kronikë

Për pacientët me sëmundje kronike të veshkave, diabet ose tension të lartë, nefrologu cakton kontrolle të rregullta për të ndjekur funksionin e veshkave dhe për të përshtatur trajtimin. Lexoni edhe artikullin për sëmundjet kronike të veshkave.

Si të përgatiteni

Sillni analizat dhe ekografitë e mëparshme, si dhe listën e ilaçeve. Për analizat e gjakut rekomandohet të jeni esëll 8–12 orë; për kulturën urinare merret urina e parë e mëngjesit.

Nefrologji në Tiranë: ku ndodhemi

Dr. Medical Clinic & Lab ka dy klinika në Tiranë: në Rrugën Shyqyri Brari (+355 69 70 08 777) dhe në Rrugën Idriz Dollaku (+355 69 60 60 701). Orari: E Hënë – E Shtunë, 07:30–20:00. Na kontaktoni dhe stafi ynë ju ndihmon të zgjidhni klinikën dhe orarin që ju përshtatet.

Pyetje të shpeshta

Çfarë tregon kreatinina e lartë?

Kreatinina e lartë mund të tregojë ulje të funksionit të veshkave. Nefrologu e vlerëson së bashku me GFR-në, analizën e urinës dhe ekografinë.

A kryhen analizat e veshkave në klinikë?

Po. Analizat e urinës dhe të gjakut kryhen në laboratorin tonë, ndërsa ekografia në klinikë.