5 shenja që tregojnë se duhet të bëni kontroll hormonal

Hormonet janë sinjalizuesit kimikë të trupit tonë – dhe kur dalin jashtë balancës, i gjithë organizmi ndikohet. Ja shenjat e çekuilibrit hormonal që tregojnë se është koha për një kontroll hormonal.

5 shenja që kërkojnë kontroll hormonal

1. Lodhje kronike

Pavarësisht se flini mjaftueshëm, ndiheni vazhdimisht të rraskapitur. Lodhja mund të lidhet me tiroiden, me nivelin e kortizolit ose me anemi dhe mungesë vitaminash.

2. Rënie e flokëve ose ndryshime në lëkurë

Lëkura mund të bëhet më e thatë ose të shfaqen puçrra pa shkak të dukshëm. Rënia e flokëve shpesh lidhet me tiroiden ose me hormonet seksuale.

3. Çrregullime të ciklit menstrual

Periodat e çrregullta, mungesa e ciklit ose dhimbjet e forta janë shenja alarmi që duhen vlerësuar nga mjekja.

4. Rritje në peshë e pashpjegueshme

Sidomos në zonën e barkut, edhe pse nuk ka ndryshime në dietë. Mund të lidhet me tiroiden, insulinën ose kortizolin.

5. Ankth dhe ndryshime të humorit

Luhatje të papritura të humorit, nervozizëm ose humor i ulët mund të kenë edhe shkak hormonal.

Cilat analiza ndihmojnë?

Sipas simptomave, mjeku mund të rekomandojë analizat e tiroides (TSH, FT3, FT4), hormonet seksuale (FSH, LH, estradiol, progesteron, testosteron), prolaktinën, kortizolin, glicemi dhe insulinë, si dhe vitaminat D dhe B12. Rezultatet duhet të interpretohen gjithmonë nga mjeku, së bashku me simptomat.

Çfarë të bëni?

Nëse përjetoni një ose më shumë nga këto simptoma, është momenti për një kontroll hormonal. Në Dr. Medical Clinic & Lab ofrojmë panele hormonale për femra dhe meshkuj, të kombinuara me konsultë mjekësore. Lexoni më shumë te Kontrolli Hormonal dhe Endokrinologji në Tiranë.