Kardiologji · Tiranë

Echo bubble test në Tiranë

Echo bubble test në Tiranë është një ekografi e zemrës me mikroflluska, që tregon nëse ka kalim të gjakut mes dy atriumeve të zemrës, si në rastin e foramen ovale patent (PFO).

Çfarë është echo bubble test?

Gjatë ekografisë së zemrës, në një venë të krahut injektohet solucion fiziologjik i trazuar, që formon mikroflluska shumë të vogla. Normalisht flluskat kalojnë vetëm në anën e djathtë të zemrës dhe filtrohen nga mushkëritë. Nëse ato shfaqen edhe në anën e majtë, kjo tregon se ka një kalim mes atriumeve.

Kur rekomandohet?

pas një goditjeje në tru ose një iskemie kalimtare (TIA) pa shkak të qartë, sidomos tek të rinjtë
kur dyshohet për foramen ovale patent (PFO) ose defekt të septumit atrial
në raste të caktuara migrene me aurë, sipas vlerësimit të mjekut
para disa aktiviteteve, si zhytja, kur mjeku e rekomandon

Si zhvillohet

Vendoset një kanulë e vogël në venën e krahut dhe bëhet ekografia e zemrës. Gjatë injektimit të solucionit, kardiologu mund t’ju kërkojë të shtyni si gjatë kollitjes (manovra Valsalva), që kalimi të shihet më mirë. Ekzaminimi zgjat rreth 30 minuta dhe mund të ktheheni menjëherë në aktivitetet e zakonshme.

Kur nevojitet një pamje më e detajuar, kardiologu mund të rekomandojë eko transezofageale.

Si të përgatiteni

Nuk nevojitet përgatitje e veçantë. Sillni raportet e mëparshme, sidomos të neurologut nëse keni pasur goditje në tru, dhe listën e ilaçeve.

Kardiologët tanë

Konsultat dhe ekzaminimet kryhen nga kardiologët e klinikës: Dr. Andri Çabeli, Dr. Endri Hasimi dhe Dr. Mirald Gina.

Shërbime të tjera kardiologjike

Kardiologji · Klinikë kardiologjike në Tiranë · Kardiolog në Tiranë