Kardiologji · Tiranë

Kontroll pacemaker-i në Tiranë

Nëse keni të vendosur një pacemaker, kontrolli i rregullt është i domosdoshëm. Në Dr. Medical Clinic & Lab ofrojmë kontroll pacemaker në Tiranë, nga kardiologët tanë.

Pse duhet kontrolluar pacemaker-i?

Pacemaker-i është një aparat i vogël që vendoset nën lëkurë dhe ndihmon zemrën të ruajë një ritëm të rregullt. Edhe kur ndiheni mirë, aparati duhet kontrolluar rregullisht, sepse:

bateria harxhohet me kalimin e viteve dhe duhet ndjekur
kabllot (elektrodat) duhet të funksionojnë si duhet
parametrat mund të kenë nevojë për rregullim sipas nevojave tuaja
aparati regjistron episode të çrregullimeve të ritmit që i shikon kardiologu

Si zhvillohet kontrolli i pacemaker-it

Kontrolli nuk dhemb dhe zgjat zakonisht 20–30 minuta. Kardiologu vendos një pajisje leximi mbi vendin ku ndodhet pacemaker-i dhe shikon gjendjen e baterisë, të kabllove dhe regjistrimet e ritmit. Kur nevojitet, bëhet edhe EKG dhe rregullohen parametrat e aparatit.

Sa shpesh bëhet kontrolli?

Kontrolli i parë bëhet zakonisht disa javë pas vendosjes së aparatit. Më pas, kontrollet bëhen rregullisht, shpesh një ose dy herë në vit, sipas llojit të aparatit dhe këshillës së kardiologut.

Kur të kontaktoni kardiologun pa pritur

marramendje, dobësi ose humbje e vetëdijes
gulçim i ri ose ënjtje e këmbëve
rrahje shumë të ngadalta, shumë të shpejta ose të çrregullta
skuqje, ënjtje ose dhimbje në vendin ku është vendosur aparati
lemzë që nuk kalon

Në rast humbjeje të vetëdijes ose dhimbjeje të fortë në kraharor, telefononi menjëherë urgjencën në 127.

Si të përgatiteni

Sillni kartën e pacemaker-it, ku shënohen modeli dhe prodhuesi i aparatit, raportin e vendosjes dhe listën e ilaçeve që përdorni. Kur rezervoni, tregojini stafit modelin e aparatit.

Kardiologët tanë

Konsultat dhe ekzaminimet kryhen nga kardiologët e klinikës: Dr. Andri Çabeli, Dr. Endri Hasimi dhe Dr. Mirald Gina.

Shërbime të tjera kardiologjike

Kardiologji · Klinikë kardiologjike në Tiranë · Kardiolog në Tiranë