Kardiologji · Tiranë

Eko Doppler karotide në Tiranë

Eko Doppler karotide në Tiranë është ekzaminimi me ultratinguj që tregon nëse arteriet e qafës, që furnizojnë trurin me gjak, janë të ngushtuara.

Çfarë janë arteriet karotide?

Arteriet karotide janë dy arteriet kryesore që çojnë gjakun në tru. Ndodhen në të dyja anët e qafës. Me kalimin e viteve, në muret e tyre mund të grumbullohen pllaka të përbëra nga yndyrna, kolesteroli dhe kalciumi (ateroskleroza). Ngushtimi ose bllokimi i tyre mund të shkaktojë goditje në tru (iktus).

Si kryhet Eko Doppler karotide?

Mjeku vendos xhel dhe një sondë në qafë dhe sheh në ekran arteriet dhe qarkullimin e gjakut brenda tyre. Ekzaminimi vlerëson edhe vazat e tjera supra-aortike që furnizojnë trurin. Zgjat rreth 20–30 minuta, është pa dhimbje dhe pa rrezatim.

Kush duhet ta bëjë?

duhanpirësit
personat me diabet
personat me kolesterol ose yndyrna të larta në gjak
personat me tension të lartë
personat me mbipeshë ose obezitet
kur ka histori familjare me goditje në tru ose sëmundje të zemrës

Ekzaminimi rekomandohet gjithashtu kur keni marramendje të përsëritura, ose kur mjeku dëgjon zhurmë në arteriet e qafës.

Nëse keni dobësi ose mpirje të papritur në njërën anë të trupit, vështirësi në të folur ose humbje të shikimit, telefononi menjëherë urgjencën në 127.

Diagnostikimi i hershëm ul rrezikun

Kur ngushtimi zbulohet herët, kardiologu mund të rekomandojë trajtim me ilaçe, ndryshime në mënyrën e jetesës dhe ndjekje të rregullt. Kështu ulet rreziku i goditjes në tru. Analizat e kolesterolit dhe të glicemisë kryhen në laboratorin tonë.

Si të përgatiteni

Nuk nevojitet përgatitje e veçantë. Vishni rroba që e lënë qafën të lirë dhe sillni ekzaminimet e mëparshme.

Kardiologët tanë

Konsultat dhe ekzaminimet kryhen nga kardiologët e klinikës: Dr. Andri Çabeli, Dr. Endri Hasimi dhe Dr. Mirald Gina.

Shërbime të tjera kardiologjike

Kardiologji · Klinikë kardiologjike në Tiranë · Kardiolog në Tiranë